Niderlandiya terma jamoasi himoyachisi Virjil van Deyk Yaponiyaga qarshi o‘yindan (2:2) so‘ng, JCH-2026 uchrashuvlari vaqtida suv ichish uchun e’lon qilinayotgan tanaffuslar borasida o‘z fikrlari bilan o‘rtoqlashdi.

«Menimcha, suv ichish uchun berilayotgan tanaffuslar bilan bog‘liq vaziyat juda qiziq tus olmoqda. Men Jahon chempionatining deyarli barcha o‘yinlarini tomosha qildim.

Va har safar mana shu tijoriy tanaffuslar boshlanishi menga yoqmadi. O‘yinlarni televizor orqali kuzatayotgan betaraf muxlislar uchun ham bu unchalik yaxshi emas, deb o‘ylayman.

Agar tashqarida haqiqatan ham juda issiq bo‘lsa, bunday tanaffuslar tashkil etilishi yomon emas, lekin har bir o‘yinga individual tarzda yondashish kerak deb hisoblayman.

Nazarimda, bu mavzuda yetarlicha gapirdim, shekilli», – dedi Virjil van Deyk.