Агар Аргентина терма жамоаси голкипери Эмилиано Мартинес ёзги трансфер ойнасида жамоани тарк этадиган бўлса, «Астон Вилла» уни ким билан алмаштириши мумкинлиги маълум бўлди.

A Bola нашри тарқатган маълумотларга кўра, Бирмингем клуби «Бенфика» дарвозабони Анатолий Трубинга қизиқиш билдираётган жамоалар қаторига кирган. Футболчининг ўзи ҳам Англия Премьер-лигасида ўз кучини синаб кўришни жуда хоҳламоқда, Португалия клуби эса уни камида 20 миллион евро эвазига қўйиб юборишга тайёр.

Ортда қолган мавсумда 24 ёшли Трубин барча турнирларда жами 50 та учрашувда майдонга тушиб, ўз дарвозасидан 43 та тўп олиб чиқди ва 21 та ўйинда дарвозаси дахлсизлигини сақлаб қолди (қуруқ ўйин ўтказди).

Трубиннинг «Бенфика» билан амалдаги меҳнат шартномаси 2028 йилнинг ўрталарига қадар мўлжалланган.