ФИФА 2026 йилги жаҳон чемпионатида фаолият олиб бораётган видеоассистент (VAR) ҳакамларидан бирини турнирдан четлатиш ҳақидаги чақириққа дуч келди.
Associated Press нашрининг хабар беришича, футболдаги ирқчилик ва камситиш ҳолатларини мониторинг қилиш билан шуғулланувчи Fare ташкилоти Германия — Кюрасао учрашуви олдидан юз берган вазиятдан сўнг ФИФАга мурожаат қилган. Трансляция вақтида VAR расмий шахсларидан бири, австралиялик Шон Эванс қўли билан «ОК» (ҳаммаси жойида) ишорасини кўрсатган. Fare ташкилотининг фикрича, бу ҳаракат ўта ўнг қанот радикал ҳаракатлари вакиллари фойдаланадиган рамзни эслатиши мумкин.
Ташкилотнинг баёнот беришича, ушбу ишора сўнгги йилларда айрим радикал доираларда оқ танлиларнинг устунлиги ғоялари билан боғланадиган белгига ўхшашдир. Шу муносабат билан, Fare ФИФАни Эвансни турнирдаги кейинги фаолиятидан четлатишга чақирди.
