Франция терма жамоасининг собиқ ярим ҳимоячиси Поль Погба миллий жамоани ЖЧ–2026 бош соврини учун асосий даъвогар деб атади.
«Шахсан мен Францияни ушбу жаҳон чемпионатининг энг кучли жамоаси деб ҳисоблайман. Улар фаворит ва айнан улар ғолиб бўлади», — деди Погбага таяниб Marca нашри.
Погба 2018 йилги жаҳон чемпионати ғолиби ҳисобланади. У Франция терма жамоаси сафида 91 та учрашувда майдонга тушиб, 11 та гол урган. 2022 йил Қатарда бўлиб ўтган мундиалда французлар финалгача етиб бориб, ҳал қилувчи баҳсда Аргентинага пенальтилар сериясида мағлуб бўлганди.
Франция терма жамоаси ЖЧ–2026даги иштирокини 16 июнь куни I гуруҳ доирасида Сенегалга қарши учрашув билан бошлайди. Гуруҳ босқичида французларнинг яна икки рақиби Ироқ ва Норвегия терма жамоалари бўлади.













