Англия терма жамоаси ярим ҳимоячиси Жордан Хендерсон Жуд Беллингемнинг миллий терма жамоадаги роли ҳақида фикр билдирди.

«Тўғрисини айтсам, унга бўлган миннатдорчилигимни ифодалашга сўз ожиз. ОАВда у ҳақида кўп ёзишларини биламан ва баъзида буларни ўқиш мен учун оғир, чунки унинг бу жамоага ўтказаётган улкан таъсирини яхши биламан.

Ўйлайманки, у бизга қўшимча устунлик беради. У ўз фаолиятида муҳим лаҳзаларни бошдан кечирган, у муҳим ўйинлардаги асосий футболчидир. У — биз учун фундаментал аҳамиятга эга бўлган ўйинчи. Агар жамоадаги исталган футболчидан сўрасангиз, унинг қандай ажойиб жамоадош эканлигини ва қандай яхши шуғулланишини айтиб беради», — дея Хендерсоннинг сўзларини келтиради Mundo Deportivo.

Жаҳон чемпионати – 2026 гуруҳ босқичи доирасида Англия терма жамоаси Хорватия (17 июнь), Гана (23 июнь) ва Панама (28 июнь) терма жамоаларига қарши баҳс олиб боради.