Жаҳон чемпионати – 2026 гуруҳ босқичининг илк ўйинида Уругвай терма жамоаси Саудия Арабистони миллий терма жамоаси билан тўқнаш келди. Учрашув 1:1 ҳисобидаги дуранг билан якунланди. Уругвай терма жамоаси бош мураббийи Марсело Бьелса учрашув якунланганидан кейин ўз фикрларини билдирди.

«Агар майдонда устунлик қилиши ва фарқни юзага келтириши керак бўлган жамоа буни уддалай олмаса, ундан кучсизроқ бўлган рақиб жасоратланади ва муаммолар туғдириши мумкин», — дея мутахассиснинг сўзларини келтиради APNews.

Нуфузли турнирдаги навбатдаги учрашувда Уругвай терма жамоаси Кабо-Верде миллий терма жамоаси билан куч синашади. Ўйин 22 июнь куни бўлиб ўтади.