Jahon chempionati – 2026 guruh bosqichining ilk o‘yinida Urugvay terma jamoasi Saudiya Arabistoni milliy terma jamoasi bilan to‘qnash keldi. Uchrashuv 1:1 hisobidagi durang bilan yakunlandi. Urugvay terma jamoasi bosh murabbiyi Marselo Byelsa uchrashuv yakunlanganidan keyin o‘z fikrlarini bildirdi.
«Agar maydonda ustunlik qilishi va farqni yuzaga keltirishi kerak bo‘lgan jamoa buni uddalay olmasa, undan kuchsizroq bo‘lgan raqib jasoratlanadi va muammolar tug‘dirishi mumkin», — deya mutaxassisning so‘zlarini keltiradi APNews.
Nufuzli turnirdagi navbatdagi uchrashuvda Urugvay terma jamoasi Kabo-Verde milliy terma jamoasi bilan kuch sinashadi. O‘yin 22 iyun kuni bo‘lib o‘tadi.













