Эрон терма жамоаси сардори Меҳди Тареми ЖЧ-2026 1-турида Янги Зеландия билан дурангдан (2:2) сўнг, жамоанинг ўйинлардан кейин АҚШни тарк этиши шартлигидан норозилигини билдирди.
Аввалроқ, икки мамлакат ўртасидаги қуролли можаро фонида Эрон делегациясининг айрим аъзоларига АҚШга кириш рад этилган эди. Шу сабабли жамоанинг асосий базаси Америкадан Мексикага кўчирилди.
«Биз Лос-Анжелесни зудлик билан тарк этишимиз керак ва бу биз учун ёмон. Менимча, ФИФА бизга кўпроқ ёрдам бериши лозим... Умуман олганда, буларнинг барчаси биз учун худди ҳалокатдек гап», — деди Тареми.
