Франция терма жамоаси собиқ ҳужумчиси Оливье Жиру «учранглилар» сафидаги голлар сони бўйича ўз рекордини янгилаган футболчи Килиан Мбаппени табриклади. Мбаппе ЖЧ-2026 «I» гуруҳи 1-туридан ўрин олган Сенегалга қарши учрашувда (3:1) гол уришга муваффақ бўлди.

«Табриклайман, Килиан! Мен у учун хурсандман. Бу кутилган вазият эди. У барча рекордларни — ҳам ўйинлар, ҳам голлар сони бўйича янгилайди. Ўйлайманки, у 100 та голлик маррани осонгина забт эта олади ва эҳтимол, Мирослав Клозенинг дунё биринчиликларидаги голлар бўйича рекордини ҳам янгилар. У жаҳон чемпионатларида ва бошқа муҳим учрашувларда жуда ажойиб ўйин кўрсатмоқда», — деди Жиру BBC эфирида.

«I» гуруҳининг 2-турида Франция миллий терма жамоаси Ироқ билан тўқнаш келади (23 июнь), 3-турда эса Норвегия билан куч синашади (26 июнь).