Португалия терма жамоасининг марказий ҳимоячиси Рубен Диаш ЖЧ-2026 гуруҳ босқичи 1-туридан ўрин олган ДР Конгога қарши бўлажак учрашувда майдонга тушмайди.

«Манчестер Сити» футболчиси ҳали ўзининг мақбул жисмоний ҳолатини тиклашга улгурмади. Бу ҳақда баҳс олдидан терма жамоа бош мураббийи Роберто Мартинес маълум қилди.

«Рубен 100 фоиз тиклангани йўқ – таваккал қилмаслик муҳим. У яхши машғулот ўтамоқда, аммо ҳозирча майдонга тушишга тайёр эмас. Муносиб вақтни кутишимиз керак», — дея «Record» нашри бош мураббийнинг сўзларидан иқтибос келтирмоқда.

Португалия ҳамда Конго терма жамоалари ўртасидаги учрашув бугун бўлиб ўтади. Ўйиннинг старт ҳуштаги Тошкент вақти билан соат 22:00 да чалинади.

Маълумот учун, Диаш Португалия миллий терма жамоаси сафида умумий ҳисобда 76 та учрашув ўтказган.