Portugaliya terma jamoasining markaziy himoyachisi Ruben Diash JCH-2026 guruh bosqichi 1-turidan o‘rin olgan DR Kongoga qarshi bo‘lajak uchrashuvda maydonga tushmaydi.
«Manchester Siti» futbolchisi hali o‘zining maqbul jismoniy holatini tiklashga ulgurmadi. Bu haqda bahs oldidan terma jamoa bosh murabbiyi Roberto Martines ma’lum qildi.
«Ruben 100 foiz tiklangani yo‘q – tavakkal qilmaslik muhim. U yaxshi mashg‘ulot o‘tamoqda, ammo hozircha maydonga tushishga tayyor emas. Munosib vaqtni kutishimiz kerak», — deya «Record» nashri bosh murabbiyning so‘zlaridan iqtibos keltirmoqda.
Portugaliya hamda Kongo terma jamoalari o‘rtasidagi uchrashuv bugun bo‘lib o‘tadi. O‘yinning start hushtagi Toshkent vaqti bilan soat 22:00 da chalinadi.
Ma’lumot uchun, Diash Portugaliya milliy terma jamoasi safida umumiy hisobda 76 ta uchrashuv o‘tkazgan.
