Мюнхеннинг "Бавария" клуби ярим ҳимоячиси Жамал Мусиала келажакда "Барселона" сафига ўтишни истамоқда. Бу ҳақда TEAMtalk хабар тарқатди.
Манба маълумотига кўра, Германия терма жамоаси аъзосининг узоқ муддатли мақсади ва орзуси — Каталония клубида тўп суриш ҳисобланади. Агар «кўк-анорранглилар» томонидан расмий таклиф тушса, футболчи бундай трансферни кўриб чиқишга тайёр.
2025/26 йилги мавсумда Мусиала «Бавария» сафида 24 та учрашувда майдонга тушиб, 5 та гол урди ва 6 та голли узатмани амалга оширди.
Футболчининг Мюнхен клуби билан амалдаги шартномаси 2030 йилнинг ёзига қадар мўлжалланган.













