Эртага Ўзбекистон миллий терма жамоаси жаҳон чемпионатидаги дебют учрашувини Колумбия терма жамоасига қарши ўтказади.
Бугун мазкур баҳс олдидан ФИФА вакиллари ҳамда жамоалар расмийлари иштирокида йиғилиш бўлиб ўтди. Унда ўйинга оид бир қатор ташкилий масалалар муҳокама қилиниб, иштирокчиларга тегишли тушунтириш ва эслатмалар берилди.
Йиғилиш давомида Ўзбекистон миллий терма жамоаси футболчилари ушбу учрашувда тўлиқ оқ либосда, дарвозабон эса тўқ сариқ рангли либосда ҳаракат қилиши маълум қилинди.
Эслатиб ўтамиз, Ўзбекистон — Колумбия учрашуви 18 июнь куни Мехико шаҳридаги «Mexico City» стадионида бўлиб ўтади. Беллашув Тошкент вақти билан соат 07:00 да бошланади.













