Португалия терма жамоаси ҳужумчиси Криштиану Роналду Конго ДРга қарши ўйинда (1:1) нохуш статистик кўрсаткич қайд этди.
Opta маълумотларига кўра, 41 ёшли футболчи миллий жамоа сафида йирик турнирлардаги энг кам тўпга тегиниш кўрсаткичини қайд этди. Роналду 2026 йилги жаҳон чемпионати K гуруҳи 1-турида Конго ДРга қарши баҳсни тўлиқ ўтказиб, майдонда 90 дақиқа ҳаракат қилди.
Ушбу учрашувда португалиялик ҳужумчи ҳисобида атиги 25 та тўпга тегиниш қайд этилди. Бу эса Роналдунинг Португалия терма жамоаси сафида жаҳон чемпионати ва Европа чемпионати каби йирик мусобақаларда тўлиқ ўйнаган баҳслар орасидаги энг паст натижа бўлди.
Маълумот учун, ЖЧ-2026 Роналдунинг фаолиятидаги олтинчи мундиал ҳисобланади. Португалия терма жамоаси кейинги турларда Ўзбекистон ва Колумбияга қарши баҳс олиб боради.













