Миланнинг «Интер» клуби раҳбарияти жамоа бош мураббийи Кристиан Киву билан амалдаги меҳнат шартномасини узайтиради. Бу ҳақда таниқли инсайдер Николо Скира хабар бермоқда.
Манбанинг берган маълумотларига кўра, томонлар янги шартноманинг барча шартларини тўлиқ келишиб олишган. Шартнома бугун, пайшанба — 18 июнь куни имзоланиши кутилмоқда. Киву «Интер» билан шартномасини яна бир мавсумга узайтириш имконияти билан 2028 йилга қадар узайтиради. 45 ёшли мутахассиснинг йиллик иш ҳақи 4 миллион еврони ташкил этади.
Эслатиб ўтамиз, Кристиан Киву ўтган ёзда «Интер» бошқарувини қўлга олган эди. Унинг қўл остида Милан клуби Италия чемпионига айланди ва мамлакат Кубогини қўлга киритди.
