Кюрасао миллий терма жамоаси футбол бўйича Жаҳон чемпионатлари тарихидаги ўзига хос ноёб рекордни қайд этди.

Маҳаллий футбол федерациясининг хабар беришича, миллий терма жамоа мундиаллар тарихида иштирок этган энг кам аҳолига эга мамлакат сифатида Гиннеснинг рекордлар китобига кирди. Кюрасао аҳолиси айни пайтда бор-йўғи 156 минг кишини ташкил этади.

Шимолий Америка яшил майдонларида бўлиб ўтаётган ЖЧ-2026 гуруҳ босқичининг дастлабки учрашувида Кюрасао терма жамоаси Германия миллий терма жамоасига 1:7 ҳисобида йирик равишда имкониятни бой берди.

Дик Адвокат шогирдлари турнирдаги навбатдаги учрашувини якшанба куни, 21 июнда Эквадор терма жамоасига қарши ўтказишади.