Туриннинг «Ювентус» клуби ва Канада терма жамоаси ҳужумчиси Жонатан Дэвид 2026 йилги Жаҳон чемпионати гуруҳ босқичи доирасида Қатар устидан қозонилган ғалаба ҳақида гапирди.
Учрашув канадликларнинг 6:0 ҳисобидаги йирик ғалабаси билан якунланди ва бу улар учун жаҳон чемпионатлари тарихидаги илк ғалаба бўлди. Дэвид мазкур баҳсда рақиб дарвозасига учта гол уриб, хет-трик қайд этди.
«Бу тарихий ғалаба, Жаҳон чемпионатидаги биринчи муваффақиятимиз. Бундай ишончли ҳисобда ғалаба қозонганимиз жуда ёқимли», — дея футболчининг сўзларини келтиради инсайдер Фабрицио Романо.
Шунингдек, у икки жойидан синиш жароҳатини олган жамоадоши Исмаэль Коне ҳақида ҳам тўхталиб ўтди. Дэвиднинг сўзларига кўра, терма жамоа футболчилари бу вазиятни жуда оғир қабул қилишмоқда.
