Turinning «Yuventus» klubi va Kanada terma jamoasi hujumchisi Jonatan Devid 2026 yilgi Jahon chempionati guruh bosqichi doirasida Qatar ustidan qozonilgan g‘alaba haqida gapirdi.
Uchrashuv kanadliklarning 6:0 hisobidagi yirik g‘alabasi bilan yakunlandi va bu ular uchun jahon chempionatlari tarixidagi ilk g‘alaba bo‘ldi. Devid mazkur bahsda raqib darvozasiga uchta gol urib, xet-trik qayd etdi.
«Bu tarixiy g‘alaba, Jahon chempionatidagi birinchi muvaffaqiyatimiz. Bunday ishonchli hisobda g‘alaba qozonganimiz juda yoqimli», — deya futbolchining so‘zlarini keltiradi insayder Fabrisio Romano.
Shuningdek, u ikki joyidan sinish jarohatini olgan jamoadoshi Ismael Kone haqida ham to‘xtalib o‘tdi. Devidning so‘zlariga ko‘ra, terma jamoa futbolchilari bu vaziyatni juda og‘ir qabul qilishmoqda.
