Австрия терма жамоаси дарвозабони Александр Шлагер 2026 йилги Жаҳон чемпионати гуруҳ босқичи 2-туридан ўрин олган ўзаро ўйин олдидан Аргентина терма жамоаси юлдузи Лионель Месси ҳақидаги фикрлари билан ўртоқлашди.
«Месси узоқ вақтдан бери жуда юқори даражадаги футбол намойиш этиб келмоқда. Бу ўйинчи ишониб бўлмас даражадаги харизмага эга ва буни унинг жамоасидаги барча ҳис қилади. Биз ушбу учрашувни интиқлик билан кутяпмиз. Уни тўхтатиб қолишга ҳаракат қиламиз», — дея голкипернинг сўзларини Tyc Sports нашри келтирмоқда.
Аргентина ва Австрия терма жамоалари ўртасидаги баҳс душанба куни, 22 июнь санасида бўлиб ўтади.
Эслатиб ўтамиз, 1-турда европаликлар Иорданияни 3:1 ҳисобида мағлуб этишган бўлса, «альбиселесте» Жазоир устидан ишончли ғалабага (3:0) эришган эди.
