Марокаш терма жамоаси ЖЧ-2026 гуруҳ босқичи иккинчи турида Шотландия устидан ғалаба қозонди (1:0). Марокашликларга ғалаба келтирган гол учрашувнинг 2-дақиқасида Исмаэль Сайбари томонидан киритилди. Таъкидлаш жоизки, бу мундиаллар тарихидаги энг тезкор ғалаба голи бўлди.
«Бизда жуда истеъдодли жамоа бор. Ҳар бир ўйинда майдонга юқори иштиёқ ва кучли хоҳиш билан тушамиз. Мамлакатимиз шарафини ҳимоя қилаётганимиздан жуда фахрланамиз. Мақсадимиз сари ўйиндан ўйинга одимлайверамиз», — деди SportyTV телеканалига берган интервьюсида голли узатмани амалга оширган мадриднинг «Реал» клуби ҳужумкор ярим ҳимоячиси.
Марокаш терма жамоаси икки турдан кейин тўрт очко жамғарди. Жамоанинг навбатдаги учрашуви 25 июнь куни Гаитига қарши бўлиб ўтади.
