Marokash terma jamoasi JCH-2026 guruh bosqichi ikkinchi turida Shotlandiya ustidan g‘alaba qozondi (1:0). Marokashliklarga g‘alaba keltirgan gol uchrashuvning 2-daqiqasida Ismael Saybari tomonidan kiritildi. Ta’kidlash joizki, bu mundiallar tarixidagi eng tezkor g‘alaba goli bo‘ldi.
«Bizda juda iste’dodli jamoa bor. Har bir o‘yinda maydonga yuqori ishtiyoq va kuchli xohish bilan tushamiz. Mamlakatimiz sharafini himoya qilayotganimizdan juda faxrlanamiz. Maqsadimiz sari o‘yindan o‘yinga odimlayveramiz», — dedi SportyTV telekanaliga bergan intervyusida golli uzatmani amalga oshirgan madridning «Real» klubi hujumkor yarim himoyachisi.
Marokash terma jamoasi ikki turdan keyin to‘rt ochko jamg‘ardi. Jamoaning navbatdagi uchrashuvi 25 iyun kuni Gaitiga qarshi bo‘lib o‘tadi.
