Мадриднинг «Реал» клуби собиқ ярим ҳимоячиси Тони Кроос Англия терма жамоаси ва Мюнхеннинг «Бавария» клуби марказий ҳужумчиси Харри Кейннинг ўйин даражаси ҳақида фикр билдирди.
«Ҳозирги вақтда Кейн дунёдаги энг яхши ва кучли зарбага эга футболчи ҳисобланади. У ҳам оёқда, ҳам бош билан бирдек ажойиб зарба йўллай олади. Харри вазиятлардан унумли фойдаланишни жуда яхши билади. Агар инглизлар шундай руҳда ўйнашда давом этишса, мусобақада албатта энг юқори ўринлардан бирини эгаллашади», — дея германиялик собиқ футболчининг сўзларини келтирмоқда «Bild» нашри.
Жаҳон чемпионати–2026 гуруҳ босқичининг илк турида Англия терма жамоаси Хорватия билан куч синашди. Томас Тухель шогирдлари 4:2 ҳисобида ғалаба қозонишган бўлса, Кейн ушбу баҳсда ўз ҳисобига иккита гол ёздириб қўйишга муваффақ бўлди.
Англияликлар навбатдаги учрашувни 23 июнь куни Гана терма жамоасига қарши ўтказишади.
