Madridning «Real» klubi sobiq yarim himoyachisi Toni Kroos Angliya terma jamoasi va Myunxenning «Bavariya» klubi markaziy hujumchisi Xarri Keynning o‘yin darajasi haqida fikr bildirdi.
«Hozirgi vaqtda Keyn dunyodagi eng yaxshi va kuchli zarbaga ega futbolchi hisoblanadi. U ham oyoqda, ham bosh bilan birdek ajoyib zarba yo‘llay oladi. Xarri vaziyatlardan unumli foydalanishni juda yaxshi biladi. Agar inglizlar shunday ruhda o‘ynashda davom etishsa, musobaqada albatta eng yuqori o‘rinlardan birini egallashadi», — deya germaniyalik sobiq futbolchining so‘zlarini keltirmoqda «Bild» nashri.
Jahon chempionati–2026 guruh bosqichining ilk turida Angliya terma jamoasi Xorvatiya bilan kuch sinashdi. Tomas Tuxel shogirdlari 4:2 hisobida g‘alaba qozonishgan bo‘lsa, Keyn ushbu bahsda o‘z hisobiga ikkita gol yozdirib qo‘yishga muvaffaq bo‘ldi.
Angliyaliklar navbatdagi uchrashuvni 23 iyun kuni Gana terma jamoasiga qarshi o‘tkazishadi.
