«Барселона» ва Бразилия терма жамоаси вингери Рафинья Жаҳон чемпионати доирасида Гаитига қарши кечган ўйинда (3:0) сон орқа мушагидан жароҳат олди ва учрашувнинг 40-дақиқасидаёқ майдонни тарк этишга мажбур бўлди.

«Рафинья Гаити билан ўйиннинг биринчи бўлимида ўнг оёқ сон орқа мушагида оғриқ ҳис қилди. Футболчи аллақачон даволаниш муолажаларини бошлади ва шанба куни қайта тиббий кўрикдан ўтади», — дейилади Бразилия футбол конфедерацияси баёнотида. Бироқ ташкилот футболчининг сафга қайтиш муддатини очиқламаган.

Эслатиб ўтамиз, ушбу мавсумда вингер Франция терма жамоасига қарши кечган ўртоқлик учрашувида (1:2) ҳам худди шу жароҳатини янгилаб олган ва ўшанда 5 ҳафтани ўтказиб юборишга мажбур бўлган эди.

Умуман олганда, бу Рафиньянинг сўнгги бир йил ичида сон орқа мушагидан олган тўртинчи жароҳатидир.