«Barselona» va Braziliya terma jamoasi vingeri Rafinya Jahon chempionati doirasida Gaitiga qarshi kechgan o‘yinda (3:0) son orqa mushagidan jarohat oldi va uchrashuvning 40-daqiqasidayoq maydonni tark etishga majbur bo‘ldi.
«Rafinya Gaiti bilan o‘yinning birinchi bo‘limida o‘ng oyoq son orqa mushagida og‘riq his qildi. Futbolchi allaqachon davolanish muolajalarini boshladi va shanba kuni qayta tibbiy ko‘rikdan o‘tadi», — deyiladi Braziliya futbol konfederasiyasi bayonotida. Biroq tashkilot futbolchining safga qaytish muddatini ochiqlamagan.
Eslatib o‘tamiz, ushbu mavsumda vinger Fransiya terma jamoasiga qarshi kechgan o‘rtoqlik uchrashuvida (1:2) ham xuddi shu jarohatini yangilab olgan va o‘shanda 5 haftani o‘tkazib yuborishga majbur bo‘lgan edi.
Umuman olganda, bu Rafinyaning so‘nggi bir yil ichida son orqa mushagidan olgan to‘rtinchi jarohatidir.
