Жаҳон чемпионати — 2026 гуруҳ босқичининг 2-туридан ўрин олган баҳсда Эквадор терма жамоаси Кюрасао билан 0:0 ҳисобида дуранг ўйнади. Ушбу кутилмаган натижа ҳақида Жанубий Америка вакиллари бош мураббийи Себастьян Беккасесе ўз фикрларини билдириб ўтди.
«Баъзан футболда шундай воқеалар содир бўладики, уларни тушунтириб бериш жуда қийин. Биз фақат ғалаба учун майдонга тушган эдик, бироқ истаган натижамизга эриша олмадик. Жамоамиз бундан кўпроғига лойиқ эди. Кўрсатган ўйинимиз ва бу натижа учун масъулиятни тўлиқ ўз бўйнимга оламан», — дея бош мураббийнинг сўзларини келтиради APNews.
Ушбу дурангдан сўнг Эквадор ўз ҳисобидаги очколар сонини 1 тага етказиб, гуруҳда 3-ўринда бормоқда. Жамоа ҳал қилувчи 3-турда Германия терма жамоасига қарши майдонга тушади.
