Jahon chempionati — 2026 guruh bosqichining 2-turidan o‘rin olgan bahsda Ekvador terma jamoasi Kyurasao bilan 0:0 hisobida durang o‘ynadi. Ushbu kutilmagan natija haqida Janubiy Amerika vakillari bosh murabbiyi Sebastyan Bekkasese o‘z fikrlarini bildirib o‘tdi.
«Ba’zan futbolda shunday voqealar sodir bo‘ladiki, ularni tushuntirib berish juda qiyin. Biz faqat g‘alaba uchun maydonga tushgan edik, biroq istagan natijamizga erisha olmadik. Jamoamiz bundan ko‘prog‘iga loyiq edi. Ko‘rsatgan o‘yinimiz va bu natija uchun mas’uliyatni to‘liq o‘z bo‘ynimga olaman», — deya bosh murabbiyning so‘zlarini keltiradi APNews.
Ushbu durangdan so‘ng Ekvador o‘z hisobidagi ochkolar sonini 1 taga yetkazib, guruhda 3-o‘rinda bormoqda. Jamoa hal qiluvchi 3-turda Germaniya terma jamoasiga qarshi maydonga tushadi.
