«Барселона» ярим ҳимоячиси Марк Берналь Мадриднинг «Атлетико» клуби ҳужумчиси Хулиан Альваресни ўз жамоасида кўришни исташини тан олди. 19 ёшли испаниялик футболчи «Камп Ноу»да «матрасчилар»нинг аргентиналик форварди билан бирга тўп суриш истагини очиқчасига билдирган «кўк-анорранглилар»нинг ягона вакили эмас.
«Барселона»да қайси футболчини кўришни истаган бўлардим? Хулиан Альваресни. Унга қарши майдонга тушишни эса умуман хоҳламасдим», — дея Бернальнинг сўзларини келтиради Испания ОАВлари.
Альварес Каталония грандининг асосий трансфер мақсади ҳисобланади, бироқ «Атлетико» 26 ёшли футболчини қўйиб юборишни истамаяпти ва у учун жуда катта, тўлаб бўлмас миқдорда маблағ талаб қилмоқда.
