Португалия терма жамоасининг собиқ ҳимоячиси Бруно Алвеш Криштиану Роналдуга қаратилган танқидларга жавоб қайтарди.
Португалия терма жамоаси 2026-йилги Жаҳон чемпионатининг биринчи турда Конго Демократик Республикаси билан 1:1 ҳисобида дуранг ўйнади. 41 ёшли ҳужумчи гол ура олмади.
Алвеш ижтимоий тармоқларда Роналдунинг постерини суратга олиб, устига “Барчасини назорат қила олишингга эътибор қарат” ёзувини жойлаштирди.
“Ҳурмат керак, кумирлар абадийдир! Кўпчилик бу спорт турида чинакам аҳамиятли иш қилмасдан туриб, футбол ҳақида бемаъни гаплар гапиришади. Улар кўпроқ иш қилганни танқид қилишади!
Криштиану, биз нима бўлишидан қатъий назар сенга ишонамиз”, деб ёзган “Порту” клубининг собиқ ўйинчиси.
Эслатиб ўтамиз, Ўзбекистон жаҳон чемпионати 2-турини Португалияга қарши ўтказади. Ўйин 23 июнь куни соат 22:00 да бошланади.













