Испания терма жамоаси бош мураббийи Луис де ла Фуэнте жаҳон чемпионати-2026 гуруҳ босқичи иккинчи тури доирасида Саудия Арабистонига қарши ўйин олдидан ўтказилган матбуот анжуманида Кабо-Верде билан кечган дастлабки дурангдан (0:0) сўнг жамоа жанговар руҳда эканлигини маълум қилди.
«Жамоа ғазабда, улар жуда таранг ҳолатда. Бу яхши. Агар ўйин 2:0 ёки 3:0 ҳисобида тугаганида, таҳлил бошқача бўларди. Ҳеч қандай босим йўқ. Биз майдонга қайтишга, вазиятни ўзгартиришга ва ўзимизда бўлган ўша аввалги руҳни қайтаришга чанқоқмиз», — дея де ла Фуэнтенинг сўзларини келтиради AS.
Испания — Саудия Арабистони учрашуви 21 июнь куни Атлантадаги «Мерседес-Бенц Стэдиум»да бўлиб ўтади. Ўйин Тошкент вақти билан соат 21:00 да бошланади
