«Наполи» «Зенит» вингери Луис Энрикега қизиқиш билдирмоқда. SportMediaset маълумотларига кўра, италиялик клуб ҳужум қанотларини кучайтириш вариантларини изламоқда ва аллақачон 24 ёшли бразилиялик футболчи бўйича сўров юборган.
«Зенит» футболчи учун 40 миллион евро олмоқчи. Клубга зарар кўрмаслик учун ушбу сумма керак: аввалроқ клуб бразилиялик футболчи учун 35 миллион евро тўлаган эди.
«Наполи»да нархни ошириб юборилган деб ҳисоблашади, аммо музокараларни бошлаб, трансфер суммасини камайтиришга уриниб кўрмоқчилар.
Ҳозирда Луис Энрике Карло Анчелотти бошчилигидаги Бразилия терма жамоаси сафида ЖЧ-2026 да иштирок этмоқда.
