Португалия терма жамоаси ҳимоячиси Диогу Далот 2026 йилги футбол бўйича жаҳон чемпионатининг K гуруҳи 1-тури доирасидаги Конго ДР миллий жамоаси билан кечган дуранг (1:1) ўйини ҳақида ўз фикрлари билан ўртоқлашди.
«Биз, футболчилар, доимо ижобий жиҳатларни топишга ҳаракат қиламиз, масъулиятдан бўйин товламаймиз, бироқ реалист бўлиб қоламиз. Бундай турнирда ғалаба қозониш йўлида қийинчиликлардан қочиб қутулишнинг иложи йўқ. Барчасини бироз қайта ўйлаб кўришимиз керак. Натижа ва ўйиннинг ўзини ўсиш учун имконият сифатида қабул қилишга ҳаракат қиляпмиз. Устида ишлашимиз керак бўлган жиҳатлар борлигини биринчилардан бўлиб тушуниб турибмиз. Қўллаб-қувватлашни ҳис қилишда давом этиш муҳим, аммо қийинчиликларсиз жаҳон чемпионатини ютиб бўлмайди», — дея Далотнинг сўзларини келтиради Португалия футбол федерациясининг расмий сайти.
