Эрон миллий терма жамоаси 2026-йилги Жаҳон чемпионати 2-туридан ўрин олган Бельгияга қарши ўйиндан (0:0) сўнг кийиниш хонасида махсус ёзув қолдирди. Унда Миноб шаҳридаги қизлар бошланғич мактабига қилинган ҳужум қурбонлари хотирланган.
Маълумотларга кўра, АҚШ ва Исроил қуролли кучларининг ракета ҳамда бомба зарбалари оқибатида ушбу мактабда 168 нафар бола ҳалок бўлган. Reuters портали футболчилар томонидан қолдирилган ушбу мактуб матнини эълон қилди:
“Минг йиллар аввалги қадимий Форсдан тортиб, бугунги маданиятли Эронгача бўлган даврда мамлакат руҳи ҳамиша барҳаёт ва матонатли бўлиб қолмоқда. Биз Лос-Анжелесга ғурур билан келдик, ор-номус билан беллашдик ва бу ердан муносиб тарзда кетяпмиз. Меҳмондўстлик учун сенга раҳмат, Лос-Анжелес. Шунингдек, мана шу 180 дақиқа давомида ўз қалби, овози ва бутун борлиғини Эрон учун бахшида этган ҳар бир эронликка миннатдорчилик билдирамиз. Барча халқлар ўртасида доимо тинчлик, ҳурмат ва дўстлик ҳукм сурсин. #168 #Minob” .
Эслатиб ўтамиз, Эрон ҳамда Бельгия терма жамоалари ўртасидаги учрашув Лос-Анжелес шаҳрида бўлиб ўтди. Ушбу баҳсда томонлар 0:0 ҳисобида дуранг ўйнашди.
