Испания терма жамоаси ва «Байер»нинг чап қанот ҳимоячиси Алехандро Гримальдо Мадриднинг «Атлетико» клубига ўтишга бир қадам яқин турибди.

Томонлар трансфернинг барча шартлари бўйича тўлиқ келишувга эришишга яқинлар. Инсайдер Маттео Мореттонинг маълумотларига кўра, агар кутилмаган бирор воқеа юз бермаса, келишув бугун, чоршанба куниёқ якунланади.

Аввалроқ «матрасчилар» 30 ёшли футболчи учун тахминан 20 млн евро тўлашлари хабар қилинган эди. Испаниялик футболчи уч йил давомида «Байер» шарафини ҳимоя қилди, унинг «фармацевтлар» билан амалдаги шартномаси бир йилдан кейин тугайди.

Якунланган мавсумда Гримальдо Леверкузен жамоаси сафида 46 та учрашувда ўз ҳисобига 14 та гол ва 12 та голли узатмани ёздириб қўйди.