Дортмунднинг «Боруссия» клуби ва Германия терма жамоаси ҳимоячиси Вальдемар Антон «Манчестер Юнайтед»нинг трансфер нишонига айланди.
«Қизил иблислар» 29 ёшли футболчи учун 35 млн фунт стерлинг (тахминан 40,5 млн евро) миқдорида таклиф тайёрлашмоқда,и дея хабар беради «Stretford End» Германия ОАВларига таянган ҳолда. «Арилар» футболчисининг трансферини манкунианликлар бош мураббийи Майкл Кэррик аллақачон маъқуллаган.
Вальдемар Антоннинг амалдаги шартномаси икки йилдан кейин якунига етади ва «Боруссия» битимни узайтиришни истамоқда. Мудофаанинг ўнг қанотида ҳам ўйнашга қодир бўлган марказий ҳимоячининг бозор қиймати «Transfermarkt» портали томонидан 18 млн еврога баҳоланмоқда.
