«Манчестер Юнайтед» ва Англия терма жамоасининг собиқ ҳужумчиси Уэйн Руни ЖЧ-2026 доирасида Ўзбекистонга қарши баҳсда дубль қайд этган Криштиану Роналду ҳақида ўз фикрлари билан ўртоқлашди.

— Бу турнирда гол ураётган бошқа топ-футболчилар фонида қарасак, 41 ёшда жаҳон чемпионатида дубль қайд этиш — ақлбовар қилмас натижа. Уни танқид қилишди ва у ана шундай жавоб қайтарди. У бутун фаолияти давомида шундай йўл тутган.

У доимо ўз ишининг энг яхшиси бўлишни истаган ва ҳар доим шундай бўлиб келган. Агар бошқа ҳужумчилар гол урса, у дарҳол тўпурарлар рўйхатининг юқорисига чиқишни хоҳлайди. Бу каби реакцияни ундан кутса бўлади.

У эгоист, чунки энг яхши бўлишни истайди. Лекин шу билан бирга у жамоа учун ҳам ўйнайдиган футболчи. Агар Месси ва Роналдуга назар ташласангиз, уларнинг ёши учун қилаётган ишлари шунчаки ҳайратланарли, — деди Руни.