Франция терма жамоаси ҳужумчиси ва сардори Килиан Мбаппе миллий жамоа бош мураббийи Дидье Дешамга волидасининг вафоти муносабати билан ҳамдардлик билдириб, уни қўллаб-қувватлади.
«Бутун фикру хаёлимиз мураббийимиз ва унинг оиласи билан. Сиз ёлғиз эмассиз», — деб ёзди Мбаппе ўзининг ижтимоий тармоқдаги саҳифасида.
Хабар қилинишича, тажрибали мутахассис 2026 йилги Жаҳон чемпионати вақтида терма жамоанинг АҚШда жойлашган қароргоҳини вақтинча тарк этади. Дешам 26 июнь куни гуруҳ босқичининг сўнгги туридан ўрин олган Норвегияга қарши учрашувда захира ўриндиғида бўла олмайди. Франция футбол федерацияси президенти Филипп Диалло билан келишилган ҳолда, мураббий ўзи қайтгунига қадар жамоани бошқариб туришни ёрдамчиси Ги Стефанга топширди.
