АҚШ терма жамоасининг ҳужумкор ярим ҳимоячиси Кристиан Пулишич ўз уйларида ўтаётган Жаҳон чемпионати — 2026 мусобақасида жамоасининг мақсадлари қандай эканлиги ҳақида гапириб берди.
"Мен ҳар доим жамоамга ишонаман. Турнирда фақат мўъжиза туфайлигина узоққа бора оламиз деб ўйламайман. Ҳозир бизда жуда яхши жамоа шаклланган. Биз кўп нарсага эриша оламиз. Бунга фақат ишониш керак", - дея америкалик футболчининг сўзларини Goal.com портали келтирмоқда.
Ўтказилган иккита ўйиндан сўнг АҚШ терма жамоаси олти очко жамғарди ва муддатидан олдин плей-офф босқичи йўлланмасини кафолатлади. Гуруҳ босқичининг сўнгги турида Маурисио Почеттино шогирдлари Туркия миллий терма жамоасига қарши майдонга тушишади.
