"Манчестер Юнайтед" собиқ футболчиси, ҳозирда Британия телевидениесида эксперт сифатида фаолият юритаётган Рио Фердинанд Жаҳон чемпионати — 2026 гуруҳ босқичи доирасидаги Англия ва Гана терма жамоалари ўртасидаги дуранг ўйин ҳақида фикр билдирди. Учрашув 0:0 ҳисобида якунланди.

"Яна бошланди... Тухель хорватлар устидан қозонилган ғалабадан кейин даҳо деб ҳисобланаётганди, Гана билан дурангдан сўнг эса таркиб танлашда хато қилгани ҳақида гап-сўзлар кўпайиб кетди. Ҳамма ўзини босиб олсин. Англия тўрт очко жамғарди, жамоани ва мураббийни қўллаб-қувватланг", - дея Фердинанд ўз ижтимоий тармоқлардаги саҳифасида қолдирган хабарида ёзиб ўтди.

Инглизлар мундиал гуруҳ босқичидаги навбатдаги учрашувни Панама терма жамоасига қарши ўтказишади.