Мадриднинг "Атлетико" клуби аргентиналик ҳужумчиси Хулиан Альварес Барселонага кўчиб ўтишни режалаштирмоқда.
Журналист Эрнан Кастильо хабар беришича, футболчи бўлажак трансферга тайёргарлик кўрган ҳолда, Каталония пойтахтидан ўзи учун иккита уй танлаб қўйган. Уйлардан бири ҳужумчининг ўзи учун, иккинчиси эса Аргентинадан келадиган оила аъзолари учун мўлжалланган.
Миш-мишларга ишонадиган бўлсак, айни дамда "Барселона" "Атлетико" билан Альвареснинг эҳтимолий трансфери бўйича музокаралар олиб бормоқда. Форварднинг ўзи аллақачон ўтишга розилик берган ва фақатгина "кўк-анорранглилар" сафида ўйнашни истайди.
Ҳозирги кунларда Альварес Аргентина терма жамоаси таркибида Жаҳон чемпионатида иштирок этмоқда.
