Madridning "Atletiko" klubi argentinalik hujumchisi Xulian Alvares Barselonaga ko‘chib o‘tishni rejalashtirmoqda.
Jurnalist Ernan Kastilyo xabar berishicha, futbolchi bo‘lajak transferga tayyorgarlik ko‘rgan holda, Kataloniya poytaxtidan o‘zi uchun ikkita uy tanlab qo‘ygan. Uylardan biri hujumchining o‘zi uchun, ikkinchisi esa Argentinadan keladigan oila a’zolari uchun mo‘ljallangan.
Mish-mishlarga ishonadigan bo‘lsak, ayni damda "Barselona" "Atletiko" bilan Alvaresning ehtimoliy transferi bo‘yicha muzokaralar olib bormoqda. Forvardning o‘zi allaqachon o‘tishga rozilik bergan va faqatgina "ko‘k-anorranglilar" safida o‘ynashni istaydi.
Hozirgi kunlarda Alvares Argentina terma jamoasi tarkibida Jahon chempionatida ishtirok etmoqda.
