Бугун, 25 июнь куни футбол бўйича 2026 йилги Жаҳон чемпионати "E" гуруҳи 3-туридан ўрин олган Эквадор ва Германия терма жамоалари ўртасидаги учрашув бўлиб ўтади. Ўйин "Метлайф" стадионида (Ист-Ратерфорд, АҚШ) ўтказилади. Учрашувда америкалик Тори Пенсо бош ҳакамлик қилади. Ҳакамнинг старт ҳуштаги Тошкент вақти билан тунги соат 01:00 да чалинади.
Жамоаларнинг бошланғич таркиблари:
Эквадор: Галиндес, Инкапье, Пачо, Ордоньес, Вите, Франко, Кайседо, Йебоа, Валенсия, Плата, Ангуло.
Германия: Нойер, Рюдигер, Та, Киммих, Раум, Павлович, Мусиала, Вирц, Зане, Нмеча, Хаверц.
"E" гуруҳидаги иккита турдан сўнг Германия терма жамоаси 6 очко жамғариб, биринчи ўринни эгаллаб турибди. Немислар муддатидан аввал плей-офф йўлланмасини ҳал қилишган. Эквадор эса 1 очко билан учинчи поғонадан жой олган. Иккинчи ўринда Кот-д'Ивуар (3 очко), тўртинчи ўринда эса Кюрасао (1 очко) бормоқда.
Эслатиб ўтамиз, гуруҳ босқичи 11 июндан 27 июнга қадар давом этади. Жамоалар ўзаро бир даврада (ҳар бири учтадан ўйин) тўп суришади. Ҳар бир гуруҳдан энг яхши иккита жамоа, шунингдек, учинчи ўринни эгаллаган энг яхши 8 та терма жамоа плей-офф босқичига йўл олади.
