Англия терма жамоаси ярим ҳимоячиси Деклан Райс ЖЧ-2026 гуруҳ босқичининг учинчи тури доирасида Панамага қарши бўлиб ўтадиган ўйин олдидан жамоавий машғулотни ўтказиб юборди. "Арсенал" футболчиси Ганага қарши кечган ва 0:0 ҳисобида якунланган аввалги баҳсда болдир мушагидан жароҳат олган эди. Журналист Сами Мокбелнинг янгиланган маълумотларига кўра, пайшанба куни 27 ёшли хавбек умумий гуруҳда тўлиқ ҳажмда шуғулланмаган.
Англия терма жамоаси ихтиёридагилар ҳамон хотиржамликни сақлаб туришибди — Райснинг муаммоси жиддий деб ҳисобланмаяпти. Шунга қарамай, "уч шерар" бош мураббийи Томас Тухель аввалроқ тахмин қилинганидек, Панама билан учрашувда футболчига дам бериши тўлиқ мумкин.
Англия — Панама учрашуви 28 июнь куни бўлиб ўтади. Айни пайтда инглизлар тўрт очко билан ўз квартетида пешқадамлик қилмоқда.
