Жаҳон чемпионати — 2026 гуруҳ босқичи учинчи туридан ўрин олган баҳсда Швеция терма жамоаси Япония миллий терма жамоаси билан тўқнаш келди. Жамоалар 1:1 ҳисобида дуранг ўйнаб, очколарни бўлишиб олишди.
Халқаро футбол федерацияси (ФИФА) матбуот хизмати хабар беришича, бўлиб ўтган учрашувнинг энг яхши футболчиси деб скандинавияликлар вингери Энтони Эланга топилди. У Швеция терма жамоасининг ўйиндаги ягона голига муаллифлик қилди.
Скандинавия терма жамоаси тўрт очко жамғарган ҳолда, учинчи ўрин билан ЖЧ-2026нинг 1/16 финал босқичига йўл олди. Ушбу квартетда биринчи ўринни Нидерландия эгаллади, Япония иккинчи бўлди, Тунис эса сўнгги поғонада маррага эришди.
