Испания терма жамоаси ярим ҳимоячиси, Лионель Мессининг «Барселона»даги собиқ жамоадоши Педри аргентиналик юлдузнинг ўйинига бўлган ҳайратини яширмади.
«Мен у билан бирга ўйнаш ва шуғулланиш бахтига муяссар бўлганман, ундан кўп нарсани ўргандим. Ҳозир эса шунчаки унинг ўйинидан завқ оляпман. Унинг ўз ёшида қилаётган ишларини фақатгина ўзи уддалай олади», — деди Педри «DSports»га берган интервьюсида.
Ҳозирги вақтда Месси жаҳон чемпионатида ўз жамоасининг барча 5 та голига муаллифлик қилди.













