Португалия терма жамоаси вингери Педру Нету жамоа Криштиану Роналдунинг ўйинига қарам эмас деб ҳисоблайди.

«Менимча, Криштиану биз учун жуда муҳим. Лекин "унга таянамиз" деган сўз жуда баландпарвоз деб ҳисоблайман.

Ҳа, биз агар тўпни жарима майдончаси ичига етказиб берсак, у гол уришининг эҳтимоли жуда юқори эканлигини тушунамиз.

Шунга қарамай, албатта, биз майдондаги ҳар бир футболчимиз учун голли вазиятлар яратамиз. Ва бу биз айнан устида ишлаётган нарсадир.

Бизнинг ўз ўйин схемаларимиз ва ўз ўйин услубимиз бор. Криштиануга қараммиз деб ўйламайман, лекин, шубҳасиз, биз унга тўлиқ ишонамиз», — деди Педру Нету.