Франция терма жамоаси ҳимоячиси Максанс Лакруа ЖЧ-2026 гуруҳ босқичининг сўнгги турида Норвегия устидан қозонилган ғалабадан (4:1) кейин ўз таассуротлари билан ўртоқлашди.
«Ҳиссиётларим жўш урмоқда, жуда бахтлиман. Биз ғалаба қозондик, яхши футбол кўрсатдик ва гуруҳда биринчи ўринни эгалладик. Ҳозир нималарни ҳис қилаётганимни сўз билан таърифлаш ҳам қийин. Биз ўз олдимизга муайян мақсадлар қўйгандик ва уларга эришдик. Гуруҳ босқичи жуда яхши ўтди, аммо бизнинг йўлимиз ҳали тугамади. Биз кўпроғига эришишни хоҳлаймиз ва аллақачон кейинги ўйинга тайёргарликни бошламоқдамиз», — дея Лакруанинг сўзларидан иқтибос келтирмоқда ФИФА матбуот хизмати.
Эслатиб ўтамиз, Франция терма жамоаси гуруҳ босқичини юз фоизлик натижа билан якунлаб, тўққиз очко жамғарди.
