«Манчестер Юнайтед» ҳужумчиси Маркус Рэшфорд Лондоннинг «Тоттенхэм» клуби томонидан бўлаётган жиддий қизиқишларга қарамай, ушбу жамоага ўтишни рад этди. Бу ҳақда TEAMtalk нашри хабар бермоқда.

Манба берган маълумотларга кўра, «шпорлар» Рэшфорднинг «Манчестер Юнайтед» билан шартномасидаги 46,4 миллион евролик товон пулини тўлашга ва футболчининг маош бўйича талабларини тўлиқ қондиришга тайёр эдилар. Бироқ англиялик футболчининг ўзи Англиянинг бошқа бирор клубида ўйнашни истамаяпти. Вингер ҳанузгача келажакда унинг номзодига яна қайтиши мумкин бўлган «Барселона»га ўтишдан умид қилмоқда.

Якунланган мавсумни Рэшфорд ижара асосида айнан «Барселона» таркибида ўтказди. Каталонияликлар сафида у 49 та ўйинда майдонга тушиб, 14 та гол урди ва 14 та голли узатмани ўз ҳисобига ёздириб қўйди.