«Ньюкасл»нинг италиялик ярим ҳимоячиси Сандро Тонали Лондоннинг «Тоттенхэм» клубига ўтишга яқин турибди. Бу ҳақда таниқли журналист Альфредо Педулла хабар бермоқда.

Манбанинг хабарига кўра, 26 ёшли футболчи «Тоттенхэм» билан шахсий шартнома шартларини келишиб олган. Ярим ҳимоячи йилига тахминан 14-15 миллион евро ҳамда сезиларли миқдордаги бонуслар ишлаб топади. Бу унинг «Ньюкасл»даги ҳозирги маошидан анча кўпдир.

Таъкидланишича, «шпорлар» «қарғалар» билан ҳам келишувни якунлаш арафасида, фақат айрим деталларни ҳал қилиш қолган. Тоналининг трансфери Лондон клубига 116 миллион еврога тушади.

Якунланган мавсумда Тонали барча мусобақаларда жами 53 та ўйинда майдонга тушиб, 3 та гол урди ва 7 та голли узатмани амалга оширди.