Мюнхеннинг «Бавария» клуби қанот ҳимоячиси Альфонсо Дэвис клублар ўртасидаги мавсум якунида олган соннинг орқа мушаги жароҳати сабабли 2026 йилги жаҳон чемпионатининг гуруҳ босқичида Канада терма жамоасига ёрдам бера олмади.
ЖАРга қарши бўладиган 1/16 финал учрашуви олдидан Дэвисдан мундиалдаги учта ўйинни ўтказиб юборишни қандай қабул қилгани ҳақида сўрашди.
«Бу азобли бўлди. Сен истайдиган ягона нарса — футбол ўйнаш, зеро бу менинг ҳақиқий иштиёқимдир. Бундай хабарни эшитиш... ва ўша учта ўйинни четдан томоша қилиш жуда оғир бўлди», — дея ҳимоячининг сўзларини келтиради ФИФА матбуот хизмати.
"B" гуруҳидаги учта тур якунларига кўра, Канада жамоаси Швейцарияни олдинга ўтказиб, иккинчи ўринни эгаллади.
